（獨媒特約報導）自由黨立法會新界西候選人周永勤，在昨晚有線的選舉論壇上宣佈退選，指「唔想身邊重要嘅人，惹上更高層次嘅麻煩或者賠上代價」，宣佈昨晚後停止選舉工程。論壇後有線記者繼續追問下，周永勤失控痛哭。
周永勤在出席論壇前，向《明報》提供一段錄音，有一男子計劃召集20至30人在昨晚包圍周，何君堯今早在電台承認該男子為其團隊的義工。
《E週刊》在8月18日曾報導，中間人曾出價500萬，勸周永勤退選，以力保「中聯辦契仔」何君堯當選。周在早前多個選舉論壇上，狙擊何君堯的原居民身份。《now新聞》昨晚則報導，中聯辦向各大社團發出的推薦名單，在新界西推薦何君堯。
《明報周刊》在7月7日曾刊出周永勤訪問，周在1994年為鄉事派的立法局議員鄧兆棠助手，參選區議會獲勝當選至今。2004年時任鄉議局主席劉皇發推薦周加入自由黨，但2008年劉皇發改為協助民建聯拉票，周永勤則排在自由黨名單周梁淑儀之後，及後多次拒絕跟隨劉皇發轉投經民聯，留在自由黨至今。
周永勤在有線選舉論壇開場及總結發言全文：
周永勤開場發言內容：
各位選民，我喺4號嘅候選人周永勤。我從政22年，長時間為新界西市民服務，到底我喺一個點樣嘅從政者，大家可以喺互聯網或者 facebook，甚至街坊口中了解到，我究竟喺一個點樣嘅區議員；我現在要向大家宣布一個非常沉重嘅決定，基於我唔想身邊重要嘅人，惹上更高層次嘅麻煩或者賠上代價，過咗今晚，我會停止爭取所有選民支持嘅選舉工程，呢個論壇將會喺我出席嘅最後一個。
喺嚟緊嘅4分30秒主場質詢，我唔會向我嘅競敵提出任何提問，亦都唔會回應任何問題；到咗總結時間，我會再發言。
喺呢喥，我要向一直支我嘅義工、教友、街坊、支持者鞠躬道歉，因為我個人力量唔夠，可能辜負咗大家，對唔住。
周永勤總結發言內容：
喺8月13號，我喺中環碼頭天橋底出席咗一個民間團體搞嘅公開論壇，其中一位年輕侯選人好激動回應台下質詢，佢發誓咁講「如果我做咗尐對唔住香港人嘅事，就不得好死！」當時我見到27歲嘅自己，都一樣喺充滿熱血，要服務社會；經過咗22年嘅議員工作。今日我想講，死並唔可怕，我身為一個基督徒，我知道我死後與主同在。
其實，人最可怕嘅喺，看見自己無辦法保護到自己身邊重要嘅人；同時我亦深深感受到雞蛋同埋高牆嘅關係。人天生有追求公平公正公義嘅心，好純粹；我就因為呢種純粹，變咗做雞蛋，我唔怕做粉身碎骨嘅雞蛋，唔怕面對烏合之眾，但我唔想身邊重要嘅人，惹上更高層次嘅麻煩或者賠上代價。我充分感受到個股無助感！
廿年深耕‧新西希望，我似乎錯啦；原來大家都唔喺咁著緊有希望，「希望」喺我咃嘅社會已經變成奢侈品。
好對唔住，因為我個人力量唔夠，可能辜負咗大家。
曾鈺成講：香港一定要贏，我想講最後一句：香港人喺唔可以輸！