（獨媒特約報導）灣仔區議會一向以「深紅」見稱，今屆區議會選舉更僅有1名傳統泛民政黨候選人出戰，變相令一眾「傘兵」成為焦點。34歲的灣仔街坊何詠嘉辭去銀行正職，放棄平穩生活，在提名期最後一日，報名出選灣仔鵝頸區，硬撼去屆自動當選的民建聯鍾嘉敏。她批評對方為「消失人口」，地區工作建樹甚少；明言自己要改變社區：「選到入去唔會坐係到嘆冷氣。」
自稱「港女」 參選是要做好件事
以「蛻變由我們的社區開始」作為競選口號的何詠嘉是土生土長灣仔居民，曾到加拿大留學，之後回港從事銀行工作。她指父母管教甚嚴，一直期望她安份守紀，穩定過活：「即係好似一般香港女仔咁，做工呀，然後搵個人嫁咗佢，咁就完滿啦」。她表示自己「都曾經咁諗，是港女無誤」。
她坦言曾擔心家人對於她參選的看法，所以參選都是「先斬後奏」，直至成功報名後才敢向父母交代。她指母親思想較開通，反而「唔想有人搞事」的爸爸常有微言。她希望透過選舉向爸爸說明「自己唔係搞事，而係做好件事」，讓父親可看到年輕人有理想的一面。
我不是「傘兵」
對於被稱為「傘兵」，何詠嘉表示感到困惑，更稱「其實我真係唔係由雨傘(運動)開始」。她「澄清」2012年時反國教事件才是其政治啟蒙時刻，「我細個老師教係要諗嘢，唔係比個答案我」。
80後的她坦言國民教育最令她感到憂心，是因為牽連到社會的下一代，「其實我都差唔多適婚同生小朋友，但我地嘅下一代係咪喺一個我地想嘅環境成長呢？」她又認為應要拋開「傘兵」的標籤，指現屆政府多次施政失當，才是激起人民走出來的原因，「可能區議會係雨傘(運動)之後第一個試煉場啦，其實好多人已經好早留意緊(區議會)」。
「真落區」接觸選民 稱絕不開空頭支票
灣仔區舊樓及私人大廈林立，鵝頸區人流更是全灣仔區最稠密的地方。政治新手要接觸選民有一定難度，何詠嘉表示要頻頻落區，爭取與市民溝通的機會，向他們解說政綱：「其實最係緊要係俾佢地知道你會做咩」。她現時每日早上7時開始擺街站派傳單，一日三更。
有街坊曾質疑的辦事能力，「你得唔得架？你知唔知好難做嫁？」，但她認為這正正反映區內問題根深柢固，固有做事方法已不合時宜，議會及社區同樣需要新思維。
她強調區議員絕不能對選民開空頭支票，因此每項政綱都是經過深思熟慮，自覺有能力做到才寫出，「唔會係到寫做一個大型基建，唔會寫做一個綜合大樓，呢啲要同區會、其他部門接觸先有機會做到，一個小小區議員係咪真係做得到？」
鵝頸「染紅」近六年
鵝頸區現任區議員為民建聯的鍾嘉敏，選區在1994年起設立，民建聯孫啟昌勝出後，在1999年連任。但孫啟昌在2003年不敵前民主黨成員李繼雄，孫啟昌在2008年時「死灰復燃」被當局委任作委任議員，更成為應屆灣仔區區議會主席。
而鍾嘉敏則在2007年出選鵝頸，以不足200票敗給李繼雄。及後李繼雄因詐騙及行為失當罪成入獄，喪失區議員資格。鵝頸區於2009年補選，報稱是「中心主任」的鍾嘉敏捲土重來，成功「坐正」，高票擊敗社民連的季詩傑，更於上屆自動當選。
何詠嘉及鍾嘉敏在政綱上均主張改善區內衛生環境、交通路線及關注區內人口老化的問題。但對於空間運用，二人就立場迴異，何建議要善用區內公共空間，推動文化表演活動，鍾則指要「擁抱我們的維港」，實現全民海濱的願景。獨媒記者曾多次嘗試聯絡鍾嘉敏作回應，但均未獲回覆。
不滿現任區議員冇影 自救社區
何又指現時灣仔區看似繁榮，但其實問題叢生，首當其衝是衛生環境問題：「無論日夜，都會見到啲曱甴老鼠，仲要唔驚人」。她指自己十分懼怕曱甴，在參選前亦曾經以市民身份向時任區議員鍾嘉敏反映問題，但竟一直無法聯繫對方。何形容對方為「消失的區議員」，地區工作「唔見影」，在無法忍受之下遂興起參選的念頭，「都搵唔到咁即係冇人搞啦，必要時咪出嚟選」。
記者：周頌謙、麥馬高